泰式肉碎煎蛋

又一個自家飯盒，好吃得可以食一大碗飯

• 免治豬肉用鹽，生抽，老抽，糖，水，油醃15- 30分鐘

• 蒜頭，辣椒盅碎，(要不是大少唔食得辣，肯定落多兩條辣椒)

• 乾蔥頭切片

• 爆香辣椒，蒜頭，乾蔥頭

• 加豬肉炒熟，屋企冇魚露，只加蠔油，生抽，老抽，糖調味，炒至乾身

• 熄火加九層塔炒匀即可

Staub

是的，未搬屋已經係Amazon.uk 買左個Staub 26cm連蒸籠，英磅低水，計返約HKD1880。

買回來後洗乾淨，掃油風乾2日再放入櫃。幾日後想煲湯，但一拎出黎就聞到油益味．．．忍不住用洗潔精裡裡外外沖洗一次。用黎煲湯，果然好鎖水，因為只買百佳湯包，味道不夠，所以煲足3個鐘，但完全冇收水 GOOD！

兩日後又心思思想試下用黎煎牛扒，但上網見半數人話好痴底，猶豫了半天，都係趁大少唔係屋企試試，大不了以後只用黎煲湯。

由於上次煲完湯後冇養煲，今次先掃油，開小火烘幾分鐘至全煲發熱，再倒油至有油紋冒白煙 (前後約6-7分鐘吧)，再放牛扒 (不要急於反轉，否則更痴底)。

同時煎牛扒同薯仔，雖然冇漂亮格仔紋，但可以做到表面焦香的medium rare，不錯！

完成後煲底有少少燶 (肉眼幾乎看不見，用多幾次再用梳打粉浸洗應該冇事吧)，然後倒入室温水(用熱水更好) 浸過底，食飽等煲都攤涼再清洗。我還是忍不住用洗潔精，最後查油，小火烘乾，以廚房紙抹走多餘油分 Done

說來步驟多，但實際只需三兩分鐘就可以。鑄鐵煲較重，但鎖水保温功能卓越，用得適宜沒有痴底問題，保養沒想像中複雜，一切還是值得的❤️

Bosch 直立式吸塵機

明明一入屋已紮起頭髮，但總會遍地煩惱絲，十分擾民😫

一直想買直立式吸塵機，貪其方便，無需插線，想吸就吸，對於忍受唔到地板有頭髮塵埃的我絕對是救星。

原本打算買網民力推的Electrolux，但途經百老匯，promoter力推德國品牌Bosch。

白色機身，加分！馬力比原先睇中的Electrolux高，隨機附送一套吸頭，可吸布藝傢私及床褥。呢個型號係百老匯獨家發售，更有8折優惠，折實HKD19xx，都係預算內。

隨即上網睇comments，幾乎冇劣評，即買！以後入屋唔紮頭髮都唔怕啦😉

兩餸一湯

有家後，ikea隨意地都行上1個鐘，只為買少量家品

差不多8點返到屋企，極速煮飯，第一次住家飯，兩餸一湯，好彩冇事，好快食得。

* 魚片炒旺菜
* 栗米豆腐羹
* 彷吉野家牛丼，更多汁，更入味

只要有味醂同醬油，一切變得好簡單

家

不經不覺已有自己一個家，是租的，細小，不完美，但是舒適，獨一無二的。

要學習的很多，包括如何瞓著都搶到被，奸夫擺邊，研究邊款香薰襯間屋，如何養肥那個不會長肉的。

買餸，煮飯，煲湯，全部新學問，有排揣摩

但 幸福．家 就是這麼一點一滴的累積